Þessi grein birtist í blaðinu "Heilsuhringurinn, Vor 2007, 28. Árgangur"

Áfengis og eiturlyfjameðferðin, NTR “Neurotransmitter restoration”
Sett saman af Dr. William Hitt

Þegar við hjónin vorum stödd á þeirri heilsustofnun sem sagt er frá í grein minni í haustblaði heilsuhringsins 2006 um “fuglaflensuna og möguleg meðferðarúrræði” (SJÁ ÞESSA GREIN NEÐAR Á ÞESSARI SÍÐU) var á öðrum stað í þessari sömu heilsustofnun í gangi meðferð sem mig langar til að segja ögn frá hér. Þessi meðferð er sett saman af Dr. William Hitt með stuðningi frá Alþjóða Matvælastofuninni WHO á áttunda áratugnum og byggðist á því að endurreysa laskaða og ónýta móttakara (receptors) í heila fíkla með hjálp Amínósýra. Þessir móttakarar hafa skaðast vegna misnotkunar áfengis og eiturlyfja.
Ég átti símaviðtal við Dr. John Humiston en hann vinnur á heilsustofnun William Hitt. Ég vinn þessa grein upp úr því viðtali ásamt þeim upplýsingum sem finna má á heimasíðunni: www.williamhittcenter.com
Ég leyfi Dr. Humiston að hafa orðið:
Meðferðin byggir á því að ánetjun sé líkamlegt vandamál, að breyting verði á vinnuferli heilans við neyslu ávanaefnanna, og hann verði háður þeim þe. móttakarar heilans breytast. Flestir skilja ekki ánetjun, heldur Dr. Humiston áfram, og reyna að leysa vandamálið út frá sálfræði en þar sem fíkillinn er ekki að misnota sálfræðina til að komast í vímu þá hlýtur vandinn að lyggja annarstaðar. Raunin er að hann er að misnota raunveruleg efni eða lyf til þess að komast í vímu, og niðurstaðan er því sú að ef við lögum ekki líkamann sem nú er brotinn, þá mun fíknin halda áfram, sama hvað gert er, sama hve mikið fíkillinn vill hætta að nota efnin. Þetta er í læknisfræði kallað “tollerance” þar sem þróunin er í þá átt að nota stærri skammta af sama lyfinu til að ná sömu áhrifunum og áður. Þar sem lyfið breytist ekki í styrk og hegðun, er spurning: hvað breyttist þá ? …Og svarið er, líkaminn breyttist, nú þarf viðkomandi stærri skammta til að líða eins og áður. Einu sinni dugði einn bjór á kvöldið en nú er nauðsynlegt að drekka 6 bjóra til að líða á sama máta. Hin skilgreiningin er “Dependance” sem þýðir að viðkomandi er sannfærður um að hann þurfir þetta á hverjum degi til að líða eins og hann sé starfhæfur, þetta er fíkn.
Til að þessi meðferð eins og aðrar virki er nauðsynlegt að viðkomandi hafi vilja til breytinga. Einnig er nauðsynlegt að gera við það sem afvega hefur farið í líkama viðkomandi. Stundum lagast þetta að einhverju marki sjálft og flestir hafa það í sér en oft gerist það ekki. Þetta er ástæðan fyrir því að sumir reykingarmenn ákveða að hætta að reykja og gera það svo bara á meðan aðrir td. stórreykingarmenn með 2-3 pakka á dag ákveða að hætta en þegar á reynir ráða þeir engu um reykingarnar og geta ekki einu sinni dregið úr þeim. Munurinn er ekki viljastyrkurinn, heldur liggur hann í þeim áhrifum sem líkaminn hefur orðið fyrir af völdum sígarettanna. Ekki er beint samband milli þeirra sem ekki ráða við tóbak og td. áfengi eða önnur vímuefni, þó það geti verið. Stundum er það svo að fólk verður háð öllu, sama hvað það heitir, en oftar er það að fólk nær að vinna bug á einhverri einni fíkn, en ekki á annarri. Fylgifiskur fínknar er pirringur og kvíði. Áfengi, eiturlyf og mörg önnur lyf leiða til kvíðakasta og pirrings og má nefna fráhvarfseinkenni tóbaks í því sambandi. Flestir vita að erfitt er að hjálpa fólki með þessi vandamál og árangur hefðbundinna meðferða mismunandi. Grunnur hefðbundinnar meðferðar er að halda fólki frá efnunum og hálpa til við sálfræðihliðina en eftir situr í raun stór lífefnafræðilegur þáttur, sem ekkert er tekist á við. Amínusýrurnar og árangur þeirra veltur að stórum hluta á hvaða lyf hafa verið misnotuð en einnig hver persónan er þ.e. erfðafræðilegi þátturinn. Tilfinningar og andlegi þátturinn hafa einnig áhrif á árangurinn, þ.e. hve mikið vill viðkomandi fá hjálp.
Sú manneskja sem kemur með því hugarfari að ætla að sjá til hvort meðferðin virki er ekki líkleg til að ná árangir með þessari meðferð, né nokkurri annarri. En segi viðkomandi, ég verð að hætta þessu sama hvað til þarf, þá er hann tilbúinn. NTR meðferðin tekur að jafnaði 10 daga þegar áfengi, Heroín, Kókaín og skyld efni eiga í hlut. Sérhver einstaklingur fær sér sniðna meðferð að eigin þörfum og í samræmi við þau eiturefni sem hann hefur neytt um ævina. Fyrstu fimm dagana tekur meðferðin um 10 klst. en síðari fimm dagana tekur hún 5 klst. Fráhvarfseinkenni með NTR meðferðinni eru mild og hverfa að jafnaði á fyrstu 3. til 4. dögunum eftir að meðferðin hefst.
Að yfirvinna áhrif tóbaks og margra algengra róandi lyfja úr flokki “benzodiazepines” er erfiðara og hjá þeim er meðferðin lengri þar sem þessi efni hafa dýpri áhrif á taugakerfið. Í sumum tilvikum nær reykingamannsekja sama árangri, í NTR meðferð eins og ef um áfengi væri að ræða, en það er einstaklingsbundið og mjög mismunandi.

Upp úr 1980 hafði forvinna átt sér stað að þessari meðferð en þá að vísu eingöngu verið unnið með amínosýrur í pillu formi og var það reynt um langann tíma en án árangurs. Vandinn fólst í því að ekki tókst að koma nauðsynlegum amínósýrum óbreyttum gegn um magann upp í heila, en það var forsenda þess að meðferðin gengi upp. Því var það að á þessum tíma að Alþjóða heilsustofnuni WHO lagði það í hendur Nóbelsverðlaunahafanum Dr. William Hitt (sjá starfsferilskrá Dr. William Hitt aftast í greininni) að vinna að samsettningu amínósýru meðferðar sem notuð yrði beint í æð og þannig yrði komist hjá vandamálum pillu inntökunnar. Mexícostjórn kom einnig að þessum rannsóknum og studdi þær gegn um Mexíco Háskóla. Rúmlega eittþúsund áfengissjúklingar voru fengnir til að taka þátt í tilraununum. Árangur þessarar vinnu og tilraunar var, að um 80% þátttakenda, var laus við áfengi á viðmiðunartímanum. Samanburðarhópurinn náði um 20% árangri á sama tíma. Með stuðningi frá WHO var eingöngu unnið að áfengismeðferð en Dr. Hitt vann síðan áfram með útkomuna og þróaði hana og aðlagaði að þörfum/skemmdum vegna annarra löglegra og ólöglegra lyfja. Upp úr 1990 var þeirri vinnu að mestu leyti lokið og í dag telur hann að í sumum tilvikum sé gróflega búið að kortleggja og mæta yfir 85% af ójafnvægi heilans, vegna áðurnefndrar misnotkunar.

Þrátt fyrir stórkostlegan árangur NTR er samt sem áður nauðsynlegt að takast á við félagslega þátt neyslunnar, brotin fjölskyldutengsl, fjárhagsvandamál og slíkt. Einnig er það munstur sem skapast hefur í fjölskyldu neitandans óuppgert rétt eins og við hefðbundna meðferð. Sé td. maki virkur neytandi og ekki er tekið á því á sama tíma, hefur reynslan sýnt að neytandinn sem nú er laus, fellur í lagflestum tilvikum aftur í sama farið. Nauðsynlegt er að taka á heildinni.
Eftirmeðferð fellst í því að fá einsdags skammt af amínosýrum einu sinni í mánuði í allt að 6 mánuði. Reynslan hefur sýnt að það margfaldar varanleika meðferðarinnar.
Mikilvægt er að vita að sé einstaklingur fús að vera edrú eða hreinn þá er það hægt. Hjálp í gegn um meðferðina, sálfræðihjálp, trú á æðri mátt, og félagsleg leiðsögn út úr neysluni eru allt nauðsynlegir þættir til að gera varanleika meðferðarinnar að veruleika. Í þessari meðferð er gert ráð fyrir að viðkomandi komist yfir fíknina og virðist það vera raunin, svo lengi sem einstaklingurinn gengur ekki inn á næsta bar í þeirri fölsku trú að nú hafi hann stjórn á neyslunni, þá er hann í lagi.
Staðhæfingin “einu sinni brotin, ávallt viðkvæmur” á við hér.
Vegna persónulegrar reynslu Dr. Hitt við alkohólisma þar sem honum nákomnir fóru hallloka í baráttunni við Bakkus, hefur hann lagt sig allan í þetta verk og hefur náð ótrúlegum árangri. Enn þann dag í dag er hann að vinna í að kortleggja það ójafnvægi í heilanum sem skapast við neyslu. Eins og hann sjálfur segir þá er vinnan nánast búin gagnvart algengustu vandamálunum svo sem áfengi, kókaíni, heróíni og öðrum algengum fíkniefnum, og eins og áður hefur komið fram eru aðeins nokkur prósent sem eftir á að kortleggja og byggja upp með amínósýrum.
Discovery Chanal í Evrópu hefur fjallað um NTR meðferð Dr. Hitt í nokkrum þáttum og nú síðast var umfjöllun í vetur 2006/07 um hann og þann merka árangur sem hann er að ná í baráttunni við áfengi og eiturlyf.

Á forsíðu Fréttablaðsins 30. Nóvember 2006 segir “FJÖLDI KÓKAÍNFÍKLA HEFUR TUTTUGUFALDAST” Þar er vitnað í hraðvaxandi vandamál hér á landi í viðtali við Þórarinn Tyrfingsson yfirlækni á Vogi.
Það er gott til þess að vita að til er meðferð gegn þessari vá. Við erum ekki úrræðalaus.

Samantekt á starfsferli Dr. William Hitt:
Dr. William Hitt, verðlaunahafi og vísindalegur frumkvöðull, dregur saman fágæta þekkingu sína og hæfni í þá meðferð sem hlotið hefur nafnið NTR eða “Neurotransmitter restoration”. Eftir að hafa aflað sér M.D. gráðu frá Colorado Hásóla og Ph.Ds. í smásjár rannsóknum og erfðum tók Dr. Hitt “Post-doctoral fellowship” í lifandi frumu líffræði við læknadeild Wasington Háskóla og smásjárrannsóknum undir leiðsögn Dr. Papanicolaou, höfundar “Pap strokunar” en hún er notuð til að greina krabbamein í leghálsi. Hann hefur setið í nokkrum af virtustu læknaráðum Norður-Ameríku og hefur m.a. veitt tveimur rannsóknarstofum forstöðu.

Dr. Hitt hefur margoft verið heiðraður fyrir störf sín í þágu vísinda og læknisfræði, þar með talið
“Leeuwenhoek Award” fyrir fullkomnun í smásjárrannsóknum, frá lyfjaframleiðandanum "Eli Lilly"
Dr. Hitt er einnig handhafi: “Bioethics International Award of Merit”.
Dr. Hitt var, undir stjórn Dr. Velasco-Suarez, meðlimur “International Physicians for the Prevention of Nuclear war” (the IPPNW) þegar þessi hópur fékk Friðarverðlaun Nóbels árið 1985
(Í ágúst 2010 var gerð breyting á þessum hluta greinarinnar þar sem um staðreyndarvillu var að ræða.
Áður sagði að Dr. Hitt hefði veitt forstöðu IPPNW þegar hópurinn hlaut friðarverðlaunin en það var ekki rétt. Einnig kom ekki nægjanlega skýrt fram hverslags verðlaun "Leeuwenhoek Award" eru og hver veitir þau.)

Dr. Hitt hóf rannsóknir sínar á amínósýrum á fjórða áratug síðustu aldar. Hann einbeitti sér að því að tengja skort á amínósýrum líkamans við meðferð alkóhólisma, og setti að lokum saman fyrstu, og enn í dag, einu áfengis meðferðina sem notast við náttúrulegar amínósýrur beint í æð. Fyrir vinnu sína var Dr. Hitt heiðraður “Cientifico Destacado” eða “Outstanding Scientist Award” af Mexíkó stjórn.
Eftir 1980 hefur Dr. Hitt bætt við meðferðina þannig að í dag ræður hún við mest allt svið ánetjunar. Þessi meðferð: “Neurotransmitter restoration” eða NTR á sér enga líka hvar í heiminum sem leitað er.

Þess má í lokin geta að Dr. William Hitt hefur einnig sett saman víruseyðandi meðferð með hjálp Ósons og bólusettninga sem byggja á þvagi viðkomandi til að vinna bug á mörgum af þeim ólæknandi sjúkdómum sem hrjá okkur mennina. Má þar helst nefna: Gigt, Lúpus, Herpes, Lifrabólgu C, MS, Sykursýki, Síþreytu, Ofnæmi, Astma, krabbamein og fjölmarga aðra ónefnda sjúkdóma. Nánari upplýsingar finnast á heimasíðu Dr. Hitt, www.williamhittcenter.com og á íslenskri heimasíðu www.o3.is

Grein skrifuð af :
John Humston MD
Ólafur Einarsson rafeindaiðnfræðingur og áhugamaður um óhefðbundnar lækningar.

 

Þessi grein birtist í blaðinu "Heilsuhringurinn, Haust 2006, 28. Árgangur"

Væntanleg fuglaflensa og möguleg meðferðarúrræði !

(höf. Ólafur Einarsson)

Kæri lesandi, þar sem mál mitt varðar svo alvarlegan hlut sem væntanlega fuglaflensa er, tel ég rétt að ég segji ögn frá sjálfum mér og konu minni Björgu og reynslu okkar af tveimur óhefðbundnum meðferðum, sem hugsanlega gætu haft áhrif á fuglaflensuna. Þannig er að árið 1993 er kona mín greind með igtsýki, og littlu síðar einnig vefjagigt og Sögrens. Henni hrakaði hratt og á innan við ári fór hún úr því að vera orkumikill einstaklingur í það að vera gigtarsjúklingur á bremsu og verkjalyfjum. Síðar komumst við að því að ýmis einkenni voru komin fram strax í kring um 1988 eða 5 árum áður en eiginleg greining fæst.

Ég man daga þar sem hún vaknaði af kvölum og var það mitt fyrsta verk að sækja verkjalyfin hennar, reisa hana varlega upp, gefa henni lyfin og leggja hana síðan jafn varlega niður til að bíða í allt að klukkustund þar til hún gæti farið að hreyfa sig og komast úr rúmi þann daginn. Dagarnir fóru oft fyrir lítið hjá þessari áður kraftmiklu konu og það að setja í uppþvottarvélina var etv. afrek dagsins. Hún leitaði sér fljótlega þekkingar á öllu hefðbundnu sem og óhefðbundnu sem bætt gæti líðan hennar. Margt kom að gagni, en mikla hjálp fékk hún upp úr bók skrifaðri af enskum hjúkrunarfærðingi og gigtarsjúklingi Margret Hill. Í bókinni var talað um blöndu vítamína/steinefna/amínósýra til að halda einkennum niðri. Vegna þess að líklega tækist ekki að flytja þessi efni til Íslands vann Björg lista upp úr þeim upplýsingum sem í bókinni voru og safnaði svo saman því sem í boði er hér heima. Hún tók þessi efni samviskusamlega inn um langann tíma. Á þessari blöndu leið henni bærilega en ekki mátti slá neitt af, öðruvísi en að líðan hennar hrakaði.

Í 9 ár var Björg veik og á stundum mjög veik og fór það eftir ýmsu svo sem veðri, mataræði, álagi og öðru. Verst var þegar hún fékk svo flensu ofan í gigtina, en við það mögnuðust verkirnir fram úr hófi. Þetta styður vírusgreininguna sem hún fékk síðar.

Sumarið 2001 hittum við bandarískann lækni, John Humiston sem staddur var á Íslandi á þessum tíma en hann vinnur á heilsustöð í Tijuana Mexíkó með Dr. William Hitt. (dr. William Hitt er læknirinn sem setti saman þá meðferð sem Björg fékk lækningu af) www.hittwellnesscenter.com Þegar hann hitti Björgu, og sá á henni veikindi hennar, spurði hann hvort búið væri að athuga hvort þetta væri vírus, síðan sagði hann óhikað: Ef þetta er vírus þá er til meðferð til að lækna þig. Sýni var tekið hjá Björgu og sent til Mexíkó þar sem hún var greind sem: krónískur vírussjúklingur. Sýnið var tekið úr slímhúð í nefi og smásjárgreiningu beytt sem Dr. George Papanicolaou þróaði, um miðja síðustu öld. Dr. Papanicolaou fann sambandið milli veira og krabbameins í leghálsi með aðferð sem í dag ber nafnið "The pap smear". Dr. Papanicolaou er lærifaðir Dr. William Hitt í smásjárlestri.

Við fyrsta tækifæri fór Björg í daglega víruseyðandi meðferð sem fólst í eftirfarandi: Örlítið magn blóðs var tekið úr líkama hennar og blandað gastegundinni óson, því næst var blóðið látið drjúpa aftur inn í líkama hennar. Hámarkstími hverrar ósonmeðferðar var u.þ.b. 20 mínútur og var þetta gert daglega í 3 – 4 vikur jafnframt vikulegri bólusettningum og vítamínsprautum. Þegar óson meðferðinni lauk var bólusettningunum haldið áfram í nokkrar vikur í viðbót.

Efnið í bólusettninguna er unnið úr þvagi viðkomandi, og er sá þáttur meðferðarinnar algerlega ómissandi. Tilgangur bólusettningarinnar er að styrkja ónæmiskefið og upplýsa um þau vandamál sem til staðar hafa verið og líkaminn hefur ekki sigrast á. Í þvagninu er meðal annars að finna hormónin Interferon og Interlauken sem bæði efla ónæmiskerfið, ásamt mörgum öðrum mikilvægum efnum og upplýsingum sem hjálpa líkamanum í baráttu við veirur og ofnæmi. Í raun er hægt að taka þessi mikilvægu þvagefni á þann máta sem Indverjar hafa gert í ár hundruði, eða með þvagdrykkju, en bólusettningin eins og hún er gerð í Mexíco er talin kröftugri. Hafi einhver annars efasemdir um gagnsemi þvagefnana til að hemja veirur eða ofnæmi er nærtækast að prófa að bera þvagið álíka oft og keyptan áburð á áblástur (frunsu) eða skordýrabit næst þegar slíkt gerir vart við sig og sjá hvað gerist. Þetta hef ég prófað með ótrúlegum árangri en satt best að segja hefði ég ekki látið mér detta þetta í hug nema fyrir áeggjan góðra vina.

Aftur að ósoninu þá er það gastegund búin til úr súrefnis atómum O2 sem með útfjólubláu ljósi eða háspennu afhleðslu eru klofin í tvær stakar O eindir, sem legjast á aðrar O2 sameindir og mynda O3 eða óson. Óson hefur verið notað víða um heim í yfir 100 ár til að sótthreinsa vatn og meðal annars nota nokkrar stórborgir Bandaríkjanna óson í þessum tilgangi. Einnig er óson víða notað í matvælaiðnaði einnig til sótthreinsunar, og það almennt viðurkennt sem örugg ódýr leið til að losna við veirur, bakteríur og sveppi. Óson er gastegund sem nauðsynlegt er að búa til á staðnum þar sem helmingunartími þess er skammur eða 45mínútur við 20°C (1). Óson dregur nafn sitt af gríska orðinu "ozeine" eða að lykta vegna sérstæðrar lyktar sem það hefur.

Sé ósoni beitt af kunnáttu þá virkar það einnig til hreinsunar líkamans. Þetta hefur verið gert í yfir 75 ár og er stundað meðal annars í Þýskalandi, Sviss, Austurríki, Kanda, Rússlandi, Mexíco og nú nýlega einnig í nokkrum fylkjum Bandaríkjanna.

Þar sem það er í eðli ósons að finna sitt náttúrulega ástand O2 leitast það við að losna við umfram O eindirnar með því að stela sér electrónum frá því sem þær geta. Þar sem frumur eru búnar buffer kerfi sér til varnar eru þær ónæmar gagnvart ósoni en sama á ekki við um veirur. Veira er í raun RNA erfðaefni klætt prótein vasa eða lípíði. Veiran viðheldur stofninum með því að setjast á heilbrigða frumu sem hún sprautar erfðaefni sínu inn í og með því ruglar hún starfsemi kjarna frumunnar og fruman tekur að búa til veirur í milljóna tali. Stuttu eftir að fruman er sýkt springur hún og úr henni dreifast milljónir nýrra veira sem reiðubúnar eru að smita aðrar flumur. Þetta ferli er stöðugt í gangi í okkur þar sem við erum í eðli okkar hýslar fyrir veirur allt frá fæðingu til dauða. Spurningin er hvernig ónæmiskerfið stendur sig í þessari stöðugu baráttu við veirurnar. Geta má þess að samkvæmt Dr. Hitt og Dr. Humiston valda veirur mun fleirri vandamálum í heilsu fólks en almennt er vitað.

Sem dæmi má nefna að þótt ekki sé búið að nefna veirurnar sem valda krabbameini af læknavísindum nútímans einangraði maður að nafni Royal Raymond Rife krabbameinsveirur, sem hann kallaði BX veirur, úr krabbameinsæxlum látinna einstaklinga. Einangrun BX veiranna staðfesti hann síðan með því að sprauta þeim í 400 heilbrigðar tilraunarottur sem allar mynduðu í kjölfarið æxli. Þegar æxlið var orðið jafnþungt rottunni fjarlægði hann það og beitti síðan eigintíðni (resonance) BX veiranna til að hreinsa allar leifar þeirra úr rottunum ef einhverjar væru. Þetta gerði hann við sérhverja þeirra 400 rotta sem hann hafði til umráða. Engin þeirra myndaði æxli aftur, og allar lifðu.

Vegna ransóknanna á rottunum voru 16 dauðvona krabbameinssjúklingar sendir til Royal R. Rife og hann fenginn til að senda á þá þessar sömu tíðnir sem virkuðu svo vel á rotturnar. Athuga átti með sjúklingana eftir 90 daga og ef einhverjir þeirra væru enn á lífi þá átti að meta ástand þeirra á þeim tímapunkti. 90 dögum síðar voru 14 af þessum 16 dauðvona sjúklingum sendir heim heilir heilsu. Þeir tveir sem eftir voru fóru nokkrum vikum síðar heim heilir heilsu. Merkilegast er að þetta gerðist árið 1934 (2).

Gagnvart BX veirunnum og Ósoni þá virkar Óson á þessar veirur sem og flestar þær veirur sem það kemst í snertingu við. Óson ásamt bólusettningunni virkar á krabbamein ásamt mörgum öðrum sjúkdómum.

Árið 2002 fór ég fyrst til Mexíco til að læra lestur úr sýnum hjá Dr. William Hitt og einnig til að kynna mér þessa meðferð. Í ferðum mínum hef ég hitt margt fólk með mjög ólíka sjúkdóma svo sem blindu, ýmis krabbamein, lifrarsjúkdóma, MS, gigt, parkinson, AIDS, og margt margt annað. Eins og Dr. Hitt segir, þá er spurningin mjög einföld, hafi viðkomandi einstaklingur veikt, hrunið eða ofvirkt ónæmiskefi og sýnt er að orsökina megi rekja til veira þá virkar meðferðin. Fjöldi veira er markvist tekinn niður með daglegri ósonmeðferð ásamt vikulegri bólusettningu. Reynsla þeirra Dr. Humiston og Dr. Hitt í Tijuana Mexíkó er að á meðan óson meðferð stendur yfir fær fólk ekki umgangspestir og þar með talið og sérstaklega flensu. Þá komum við að fuglaflensunni. Þó enginn þekki nákvæma erfðafræðilega uppbyggingu fuglaflensuveirunnar þá er hún samt flensuveira í lípið vasa og viðkvæm fyrir ósoni og því má ætla að losa megi fólk við hana með þessari til þess að gera einföldu aðferð.

Ætla má að ein til fjórar ósonmeðferðir dugi til að ráða niðurlögum venjulegrar flensu. Þetta er reynsla undirritaðs en ég fékk pest líkleg í fluginu til Mexíkó sem Dr. Hitt greindi sem flensu af A-stofni (sami stofn og H5N1). Í mínu tilviki dugðu tvær ósonmeðferðir ásamt bólusettningu til að ná henni úr mér.

Varðandi væntanlega fuglaflensu þá er nauðsynlegt að við Íslendingar verðum okkur út um búnað til ósonmeðferða í tíma. Búnaðurinn er einnota, og til þess að gera nokkuð dýr.

Kaldhæðni og jafnframt ógn fuglaflensunnar er sú að heilbrigt ónæmiskefi okkar sjálfra gæti orðið okkar versti óvinur. Ónæmiskerfi sýkts einstaklings virðist vita af veirunni og sendir því hvít blóðkorn í miklu magni af stað til varnar. Vegna vanþekkingar á uppbyggingu veirunnar er ónæmiskerfið, þrátt fyrir mikinn fjölda hvítra blóðkorna á staðnum, ekki alltaf í stakk búið til að ráða niðurlögum hennar.

Samkvæmt National Geographic þá hefur H5N1 veiran sýnt sig að koma verst niður á þeim sem hafa sterkt ónæmiskefi. Því sterkara, því verra. Sé þetta rétt má ætla skörð verði högvin í raðir barna og yngra fólks. Samkvæmt National Geographic þá veldur veiran svo sterkum viðbrögðum í ónæmiskerfinu að lungu fórnarlambanna fyllast af eigin varnarfrumum Hvítu blóðkornunum og blóðvökva og segja má að viðkomandi nánst drukkni í eigin líkamsvessum og blóði þegar æðar lungnanna gefa sig. Við krufningu hafa lungu fórnarlamba fuglaflensunnar verið þung og vökvamikil eins og blautur svampur í stað þess að vera mjúk, svampkend og létt. Þetta var einnig raunin í Spænsku veikinni árið 1918.

Svo virðist sem H5N1 hafi einnig getu til að drepa á annan hátt samkvæmt nýlegu dæmi þar sem veiran lagðist á heila lítils víetnamsks drengs. Það var ekki fyrr en alveg undir lokin að veiran lagðist á lungun. Út frá þessu telja sumir sérfræðingar að hún geti í raun lagst á hvaða líffæri sem er en enn eru þeir ekki vissir.

Þar sem möguleg fuglafensa er líkamanum algerlega óþekkt og ónæmiskerfið hefur engar upplýsingar að sækja í, er mikilvægt að byrja ósonmeðferð um leið og grunur leikur á smiti. Trúlega yrði nauðsynlegt að beyta daglegum bólusettningum (þvagsprautum) til að ráða niðurlögum flensunnar í stað vikulegrar bólusettningar. Þannig getur líkaminn betur áttað sig á eðli vandans, þar sem það hefur sýnt sig að H5N1 veiran gefur ekki langann tíma eða um eina til tvær vikur frá fyrstu einkennum til dauðadags (sjá National Geographic). Þegar bólusett er daglega er magni og hlutföllum breytt til samræmis.

Hægt er að fá óson meðferð tvisvar á dag með ca. 7-12 klst. millibili þegar mikið liggur við, en áhrif þess eru einungis 50% meiri en ef ósoninu er beitt einusinni á dag.

Varðandi aukaverkanir ósonmeðferðar þá eru einu skráðu aukaverkanirnar mar og roði við stungusárið.

Rife-tækið, sem ég hef minnst á, er önnur leið sem hugsanlega mætti fara í baráttunni við fuglaflensuna. Þar er þó um mun meiri óvissu að ræða hvað varðar virkni á óþekkta flensu enda tækið ekki hannað með fuglaflensu í huga. Tækið sem ég hef undir höndum hefur verið reynt á hefðbundna flensu með góðum árangri. Í því eru þrjár forritaðar tíðniraðir sem takast á við flensu af rúmlega fjögurhundruð röðum sem í boði eru. Royal Raymond Rife uppgötvaði snemma á síðustu öld að vírusar, bakteríur, sýklar og önnur sníkjudýr eru einstaklega viðkvæm fyrir ákveðinni tíðni hljóðs og því sé hægt að eyða þeim sé réttri tíðni beitt með nægum styrk – líkt og vínglas springur þegar sópran söngkona syngur ákveðna nótu nógu hátt. Til þess að sundra örverunum hannaði Rife svokallað „Beam Ray"-tæki (nú betur þekkt sem Rife-tækið) en það er forveri Global Wellness TM Plus tækis nútímans. Hver tegund lífs á sitt eigið rafsegulmerki, mynstur sveifluhreyfinga sem byggist á eigin erfðafræðilegri byggingarformúlu. Þessi mynstur eru mismunandi eftir lífverum. Beam Ray tækið er grundvallað á rannsóknum Royal Raymond Rife á þessum merkjum, og hagnýtingu ákveðinna tíðna til að útrýma vírusum, bakteríum, snýkjudýrum og sveppum.

Ef ósoninu verður af einhverjum ástæðum ekki viðkomið hér á Íslandi, og ekki er annað í boði en Rife-tækið þá væri trúlega nauðsynlegt að beyta einnig bólusettningarhlutanum úr óson meðferðinni ásamt tíðni meðferðinni til að vinna á fuglaflensunni. Tíðnin væri notuð til að hrista sundur veiruna og bólusettningin til að upplýsa líkamann jafnóðum um hana.

Gagnvart Rife-tíðnitækinu er um meiri vangaveltur að ræða en þegar ósonið á í hlut. Reynsla undirritaðs er þó sú að hvor aðferð fyrir sig ræður niðurlögum heðfbundinnar flensu á allt frá nokkrum klukkustundum til tveggja daga eftir því hve fljótt hefur verið brugðist við fyrstu einkennum hennar. Þó er rétt að taka það fram að tíðnitækið og beiting þess gegn fuglaflensunni yrði alltaf þrautarlending í samanburði við notkun ósons.

LOKAORÐ

Æskilegast væri að líkamanum væri gert kleift að búa við allt það sem heldur honum heilbrigðum bæði á anda og líkama. Þegar þetta hefur einhverra hluta vegna misfarist er stundum nauðsynlegt að grípa freklega inn í og beita aðferðum eins og ósoni til að koma hlutunum í lag á ný, og gefa þannig líkamanum svigrúm til að lækna sig sjálfur. Ósonmeðferðin gerir einmitt þetta.

Samkvæmt National Geographic náði fuglaflensan nýjum hæðum í janúar 2005 í suður Víetnam og voru 9 sjúklingar meðhöndlaðir á sama tíma dag og nótt. Svo virðist sem eitt aðal lyfið "Tamiflu" sem treyst er á í baráttunni við fuglaflensuna og einnig lyfið "Oseltamivir" virki ekki sem skyldi ef marka má reynslu Dr. Tran Tinh Hien í Víetnam. Af 9 sjúklingum sem meðhöndlaðir voru með báðum þessum lyfjum dóu 9.

Þar sem ég er ekki læknir er það etv. ekki mitt að fullyrða um ágæti ósons og Rife-tíðna í baráttu við sjúkdóma, en þó er það svo að það sem hefðbundnum læknavísindum tókst ekki að losa konuna mína við í 9 ár, tókst ósoninu að gera á einum mánuði. Í dag er hún lyfjalaus, einkennalaus og verkjalaus.

Ósonmeðferð og Royal Rife tíðnir eru nálgun við fuglaflensuna frá allt annari hlið en almennt er rætt. Með þessum meðferðum er ekki um fyrirbyggjandi aðgerðir að ræða í formi hefðbundinnar bólusettningar, heldur er vandamálinu mætt þegar það er orðið til. Það að rífa electrónur úr lípíð vasa veirunnar eða hrista hana í sundur og segja síðan líkamanum með tíðum þvagsprautum hvernig hún leit út, eru aðferðir sem ég trúi að virki sem möguleg meðferðarúrræði gegn fuglaflensunni.

Höfundur er Rafeindaiðnfræðingur og áhugamaður um óhefðbundar lækningar.

Heimildir:

1. THE USE OF OZONE IN MEDICINE S. Rilling/R. Viebahn
2. "THE CANCER CURE THAT WORKED! FIFTY YEARS OF SUPPRESSION" by Barry Lynes
3. http://www7.nationalgeographic.com/ngm/0510/feature1/
Samantekt úr National Geographic á Spænsku veikinni árið 1918 og sögu og afleiðingum fuglaflensunnar í Asíu fyrir aldarmótin 2000 og fram á þennan dag.